Bismilahi Rrahmani Rrahim
Me të vërtetë falënderimi i takon vetëm Allahut. Atij i kërkojmë ndihmë, i kërkojmë të na falë gjynahet dhe të na mbrojë nga të këqijat e veteve dhe të punëve tona. Atë që e udhëzon Allahu në rrugën e drejtë, nuk ka kush e humb dhe atë që Ai e humb, nuk ka kush e udhëzon. Dëshmoj se nuk ka të adhuruar tjetër me të drejtë përveç Allahut, të Vetëm e pa shokë, dhe se Muhamedi është robi dhe i Dërguari i Tij, paqja dhe shpëtimi i Allahut qoftë me të, familjen dhe shokët e tij.
“O ju që keni besuar! Kijeni frikë Allahun ashtu siç duhet pasur frikë Ai dhe mos vdisni ndryshe, veçse duke qenë muslimanë.” (Ali Imran: 102)
“O njerëz! Jini të bindur (dhe përmbushni detyrimet) ndaj Zotit tuaj, i Cili ju krijoi nga një njeri i vetëm (Ademi), prej tij Ai krijoi bashkëshorten e tij dhe nga ata të dy krijoi burra e gra të shumtë, dhe kijeni frikë Allahun nëpërmjet të Cilit ju kërkoni të drejtat e ndërsjellta dhe mos i ndërprisni marrëdhëniet me të afërmit. Sigurisht Allahu është kurdoherë Gjithëvëzhgues përmbi ju.” (En-Nisa: 1)
“O ju që keni besuar! Plotësoni detyrimet tuaja ndaj Allahut dhe kijeni frikë Atë dhe flisni (gjithnjë) të vërtetën. Ai do t’ju drejtojë tek veprat e mira e të drejta dhe do t’ju falë gjynahet tuaja. Dhe kushdo që i bindet Allahut dhe të Dërguarit të Tij (Muhamedit alejhi selam), me të vërtet ka arritur fitoren më të madhe.” (El Ahzab: 70-71)
Fjala më e mirë është libri i Allahut, udhëzimi më i mirë është udhëzimi i Muhamedit (salallahu alejhi ue selam), gjërat më të këqija janë shpikjet në fe, çdo shpikje është bidat, çdo bidat është humbje dhe çdo humbje përfundimin e ka në zjarr.
Këtë faqe e kam hapur me qëllimin që të lë pas një vepër që sjell sevape të vazhdueshme edhe pas vdekjes. Dua ta ndaj me ju disa mësime fetare, sa të kem mundësi, duke u bazuar gjithmonë në argumente të sakta. Do të përpiqem të shmang çdo çështje që mund të sjellë përçarje dhe të jem sa më i drejtë në gjithçka që postoj. Synimi im është që kjo faqe të jetë një burim i dobishëm për këdo që e viziton, duke sjellë dije të saktë dhe të dobishme për fenë tonë.
Shpresoj që kjo faqe të jetë një burim dobie dhe udhëzimi për të gjithë ata që e vizitojnë. Çdo fjalë dhe mësim që ndaj këtu ka për qëllim vetëm kënaqësinë e Allahut dhe përhapjen e dijes së dobishme. Lus Zotin që të më ndihmojë të jem i drejtë dhe i sinqertë në gjithçka që postoj, dhe që kjo përpjekje të sjellë dobi për mua dhe për ju, si në këtë jetë ashtu edhe në ahiret.
